Кот-д’Ивуарнинг икки йирик шаҳри — Абижан ва Буаке кучли отишма овозлари эшитилмоқда. Бу ҳақда ҳодиса гувоҳларига таяниб, Reuters маълум қилди.
«Калашников автомати ва ундан ҳам оғир қуроллардан ўт очилаётганини эшитдим. Ўта шиддатли отишма тонгги соат 5 ларда бошланди ва бир соат атрофида давом этди», — дея маълум қилди президент саройи ва АҚШ элчихонаси яқинида яшовчи Абижан шаҳри фуқароси.
Олдинроқ мамлакат расмийлари 8 мингдан ортиқ ҳарбий хизматчи оммавий намойишларга сабаб бўлган молиявий талаблардан воз кечганини билдирганди.
Кот-д’Ивуарда январь ойидан бери собиқ ҳарбий хизматчилар ва бошқа куч тизимлари ходимлари келтириб чиқараётган тартибсизликлар тез-тез содир бўлмоқда.
Изоҳ (0)