Венесуэлада ҳарбий судлар ҳукуматга қарши норозилик намойиши ўтказишда иштирок этган 150 нафардан ортиқ одамни қамоқ жазосига маҳкум қилди. Бу ҳақда «Венесуэла жиноий форуми» нодавлат ташкилотининг раҳбари Гонсало Имиоб маълум қилди, деб хабар берди «Коммерсантъ».
«Ҳарбий суд олдида жавоб берган фуқаролар сони 237 нафарга етди ва 155 нафарга яқини суд томонидан қамоқ жазосига маҳкум этилди», — деб хабар берди Имиоб Twitter’да. Унинг сўзларига кўра, намойишчиларга қарши ўтказилган суд ишлари инсон ҳуқуқларини бузиш ҳисобланади.
Оммавий норозилик март ойида, президент Николас Мадурони қўллаб-қувватловчи Венесуэла Олий суди Миллий ассамблея (парламент) ўрнига ўзини қонунчилик органи деб эълон қилиб, депутатларни иммунитетдан маҳрум этиш ҳақида қарор чиқарганда бошланганди.
Изоҳ (0)