АҚШ бошчилигидаги халқаро коалициянинг ҳарбий-ҳаво кучлари Суриядаги Дайр-аз-Заур шаҳри яқинига берган авиазарбаси оқибатида беш нафар тинч аҳоли ҳалок бўлди. Бу ҳақда «ТАСС» Al Jazeera телекомпаниясига асосланиб маълум қилди, деб хабар берди «Коммерсантъ».
Дастлабки маълумотларга кўра, авиазарбалар террорчиларнинг тахминий позициясига, шаҳарнинг шарқий қисмидаги Ал-Қурия пунктига амалга оширилган. АҚШ Мудофаа вазирлиги ҳозирча тинч аҳоли ҳалок бўлгани ҳақидаги хабарни расман тасдиқламади.
Эслатиб ўтамиз, 6 май куни Сурияда хавфсиз ҳудудларни яратиш бўйича меморандум кучга кирган эди. Ҳужжатни Сурия бўйича музокаралар иштирокчилари — Россия, Эрон ва Туркия — 4 май куни Остонадаги учрашувда имзолаганди.
Изоҳ (0)