Хьюстондан Эквадорга йўл олган Американинг United Airlines авиакомпаниясига тегишли самолёт салонидан чаён топилгани сабаб парвоз ушланиб қолди. Сўнгги ой ичида бу каби ҳодиса иккинчи маротаба рўй бермоқда, деб хабар берди Fox News.
Рейсдаги чаён Жорж Буш халқаро аэропортида аниқланган. Йўловчилардан бири ҳамроҳининг кийими ичидан ўргимчаксимон чиқиб келаётганини кўриб қолган. Эркак чаён ҳақида борт кузатувчиларига хабар берган, улар ўз навбатида тиббиёт ходимларини чақирган. Шифокорлар йўловчини текшириб, уни чаён чақмаганлигини аниқлаган.
Шундан сўнг авиакомпания хавфсизлик юзасидан ўз мижозларидан самолётни тарк этишни илтимос қилган ва уларга захира самолётини тақдим этган.
Апрель ойининг ўрталарида Хьюстондан Калгарига парвоз қилган ушбу авиакомпания самолёти бортида йўловчилардан бирини чаён чақиб олганди.
Изоҳ (0)