АҚШ президенти Дональд Трампнинг миллий хавфсизлик бўйича ёрдамчиси генерал Герберт Макмастер Америка етакчиси терроризмга қарши яҳудийлар, мусулмонлар ва христианларни бирлаштиришга ҳаракат қилиб кўришини маълум қилди. Бу ҳақда Reuters агентлигига таяниб, «Газета.ru» хабар берди.
Макмастернинг таъкидлашича, АҚШ президенти ўзининг Саудия Арабистони, Исроил ва Италияга ташрифи чоғида халқаро хавфсизлик масалаларига алоҳида эътибор қаратади.
«Трамп Америка ва Исроилнинг узилмас алоқаларини тасдиқлайди», — деди давлат раҳбарининг ёрдамчиси. Шунингдек, Макмастер Трамп Фаластин етакчиси Маҳмуд Аббос билан учрашишини қўшимча қилди.
Аввалроқ, АҚШда терроризмга қарши янги ҳаракат стратегияси тақдим қилинганди.
Изоҳ (0)