АҚШ Саудия Арабистонига қиймати 100 миллиард доллардан ортиқ қуролларни етказиб бериш бўйича бир нечта битимларни амалга оширишга яқин турибди. Бу ҳақда Reuters агентлигига таяниб, «Коммерсантъ» хабар берди.
Оқ уй вакилининг сўзларига кўра, ўн йил давомида охир-оқибат битимнинг умумий қиймати 300 миллиард доллардан ошиши мумкин. АҚШ келишув доирасида Саудия Арабистонига мудофаа қобилиятини оширишига ёрдам беришни режалаштирмоқда.
Агентликнинг таъкидлашича, шу билан бирга АҚШ Исроилга «унинг қўшнилари устидан ҳарбий устунлигини сақлаган ҳолда» ёрдам беришни давом эттирмоқчи.
Битимлар пакети Дональд Трампнинг келгуси ҳафтага мўлжалланган Саудия Арабистонига ташрифи олдидан ишлаб чиқилмоқда.
Bloomberg’нинг маълумотларига кўра, Ар-Риёд АҚШ ҳудудидаги инфратузилмавий лойиҳаларга тахминан 40 миллиард доллар киритиш ниятида.
Изоҳ (0)