БМТ Хавфсизлик кенгаши ва халқаро ташкилот бош котиби Антониу Гутерриш Марказий Африка Республикасида тинчликпарвар кучлар автоколоннасига уюштирилган ҳужумни қоралади. Бу ҳақда «ТАСС» хабар бермоқда.
Баёнотларда мамлакат расмийлари мазкур ҳужум тафсилотларини ўрганиш ва айбдорларни жавобгарликка тортишга чақирилган. Тинчликпарварларга ҳужум ҳарбий жиноят сифатида баҳоланиши мумкинлиги, халқаро гуманитар ҳуқуққа риоя этиш лозимлиги эслатилган.
БМТнинг МАРдаги миссиясига кўра, тинликпарвар кучлар автоколоннаси 8 май, душанба куни Рафаи шаҳридан Бангасуга йўл олганда ҳужумга дуч келган. Отишма давомида Камбоджадан келган 4 нафар тинчликпарвар ҳалок бўлди, 10 киши жароҳатланди. Бир киши бедарак йўқолган ҳисобланмоқда.
Халқаро ташкилот бош котибининг расмий вакили Стефан Дюжаррикга кўра, қурбонларнинг оиласига 70 минг доллар миқдоридаги товон пули тўланади.
Изоҳ (0)