Фаластинликлар оч террорчилардан фойдаланиб ишланган реклама сабаб Pizza Hut’ни бойкот қилишга чақирди

Фаластин ҳудудида истиқомат қилувчилар Pizza Hut’нинг Исроил бўлимини «Фатҳ» ва «Ҳамас» террорчилари очлиги устидан кулиш орқали пул ишлаб олиш ҳаракатида айблади. Баъзи фуқаролар Яқин Шарқ мамлакатларида тан олинган халқаро пицца тармоғига нисбатан бойкот эълон қилишга чақирди. Бу ҳақда Al Jazeera’га таяниб, TJournal хабар берди.

9 май куни Pizza Hut’нинг Исроилдаги бўлими Facebook’ка бешта қотилликда ва бир неча ўнлаб терактларни режалаштиришда айбланган жангарилар етакчиси Марван Баргутининг суратини жойлаштирди. Исроил қамоқхоналари бошқармасининг маълумотларига кўра, Баргути икки марта очликни печенье ва шоколад батончиклари ёрдамида бузган.

Пицца тармоғи вакиллари Исроил ҳукумати томидан эълон қилинган видеодаги кадрдан фойдаланган. Улар суратга Баргутига Pizza Hut маҳсулотига ўтишни таклиф қилаётган пиццанинг бўлаги, фирманинг жигарранг қутиси ва шиори тасвирини қўшиб қўйган.

Фаластинликлар Pizza Hut’ни оч маҳбуслар ва ирқчилик орқали пул ишлаб олиш ҳаракатида айблаб, пиццариянинг трансмиллий тармоғига байкот эълон қилишга чақирди.

Twitter фойдаланувчиларининг шикоятини Pizza Hut’ни «Исроил истилоси»га алоқаси борликда айблаган «Бойкот, бегоналаштириш ва санкция» халқаро антиисроил ҳаракати қўллаб-қувватлади.

Оқибатда Pizza Hut саҳифаси муҳаррирлари расмни ўчириб, ўқувчилардан кечирим сўради.