Абу-Даби полицияси 21 ёшли эркакни қиймати 60 миллион дирҳамга (қарийб 17 миллион доллар) тенг гиёҳванд модда билан қўлга олди, деб хабар берди UAE Inside.
«Ал-Баян» араб нашрининг маълум қилишича, қўлга олинган шахс мамлакатдаги энг ёш гиёҳванд модда сотувчи ҳисобланади. Бундан ташқари, у БАА фуқаролари орасида тақиқланган модда билан рекорд миқдорда савдо қилган шахсдир.
Эркакдан умумий миқдорда миллиондан ортиқ амфетамин воситалари мусодара қилинган. Уларнинг бир қисми автомобилида, қолганлари эса уйида сақланган.
Маълумотларга қараганда, полиэтиленга ўралган дорилар пишлоқ ва зайтун мойи билан тўлдирилган шиша идишлар ичига яширилган. Кейинроқ, Мустафо туманида яна бир гумонланувчи қўлга олинди.
Изоҳ (0)