8 май куни Қирғизистоннинг Боткен вилояти ИИБ милиция ходимлари томонидан ўтказилган тезкор-қидирув тадбирлари давомида 1990 йилда туғилган, Боткен вилояти «Қизил-бел» қишлоғида истиқомат қилувчи фуқаро қўлга олинган. У Opel Vectra (давлат рақами S 0665 AI) автомобили капотида милиция патрули ходимини судраб кетган, деб хабар берди «1news.uz».
Боткен вилоятининг ИИБ матбуот хизмати маълумотларига кўра, 6 май куни соат 10:30 ларда милиция патрули ходимлари Нургазиев кўчасидаги йўл участкасида хизмат вазифасини бажараётган бўлган. Opel Веcтра автомобили ҳайдовчиси пиёдалар ўтиш жойидан ўтаётган одамларга йўл бермаган. Қоидабузарликни кўрган йўл ҳаракати хавфсизлиги ходимлари автомобилни тўхтатишга ҳаракат қилган. Ҳайдовчи уларга бўйсунмаган ва яширинишга уринган.
Милиция патрули ходимлари йўлди тўсиб қўйган, бироқ бу ҳам қоидабузарни тўхтата олмаган. У милиция патрули ходимини машинаси капотида 110 метргача судраб борган. Автомобиль тўхтагач милиция ходими капотдан тушишга улгурган, машина ҳайдовчиси эса номаълум йўналишда беркинган.
Изоҳ (0)