«Тошкент» телеканалининг Poytaxt-Vaziyat кўрсатувида йўл ҳаракати хавфсизлиги қоидаларини энг кўп маротаба бузиб, кузатув камералари объективларига энг кўп тушган машиналар эълон қилинди. Бу ҳақда UzNews хабар бермоқда.
Ушбу рейтингда учинчи ўринда 01 J278 HA давлат рақамига эга «Лада 2107» автомобили турибди. 15 мартдан буён ушбу автомобиль видеокузатув камераларига 20 марта тушган — 19 марта тезликни оширганлик ва бир марта қизил чироқда ўтганлик учун. Умумий жарима миқдори 3145275 сўмни ташкил қилди.
Иккинчи ўринга 01 T 885 TA давлат рақамига эга Chevrolet Spark машинаси қўйилди. Ушбу автомобиль ҳайдовчиси йўл қоидаларини 21 марта бузиб, 7039425 сўм миқдорида жаримага тортилди.
Ниҳоят, биринчи ўринга 10 J 506 FA давлат рақамига эга «ВАЗ 2103» автомобили муносиб кўрилди. Қисқа муддатда мазкур автомобиль ҳайдовчиси 32 марта светофорнинг қизил чироғидан ўтиб кетди. Унинг ҳисобига ёзилган жарима миқдори 9435825 сўмни ташкил этди.
Изоҳ (0)