Тошкент ирригация ва мелиорация институти Шириншоҳ Шотемур номли Тожикистон аграр университети ва Тожикистон гидротехника ва мелиорация илмий-тадқиқот институти билан ҳамкорлик тўғрисидаги ҳужжатларни имзолади. Бу ҳақда «Газета.uz» хабар бермоқда.
Келишувлар институтда Марказий Осий ва Афғонистоннинг соҳага оид олий ўқув юртлари илмий-педагогик таркиби иштирокида ўтказилган алмашинув тури доирасида имзоланди. Минтақа академик ҳамжамиятларининг илк алмашинувида 6 давлатдан 40 нафардан ортиқ вакил иштирок этди.
Тадбир АҚШнинг Халқаро тараққиёт агентлиги (USAID) томонидан молиялаштириладиган Марказий Осиё ҳудудий экологик марказининг «Марказий Осиёда сув, таълим ва ҳамкорлик» лойиҳаси доирасида ташкил этилди.
Афғонистон, Қозоғистон, Қирғизистон, Тожикистон ва Туркманистон делегациялари Тошкент вилоятининг Юқори Чирчиқ туманидаги гидротехник қурилмага борди. Сувни иқтисод қилувчи суғориш тизимига эга фермер хўжаликларини кўздан кечирди.
Тур якунида сўв хўжалиги мутахассисларини тайёрловчи таълим муассасалари ўртасида ҳудудий ҳамкорлик ўрнатиш имкониятлари муҳокама қилинди ва тақдимотлар ўтказилди.
Изоҳ (0)