АҚШнинг Флорида штатида аллигатор 10 ёшли қизчага ҳужум қилди. Бу ҳақда Fox News’га асосланиб, «РИА Новости» хабар бермоқда.
Маълум қилинишича, қизча Мосс хиёбонидаги кўлда чўмилаётган вақтида йиртқич унга ҳужум қилиб, оёғидан тишлаб олди. Бахтсиз ҳодисадан кейин қиз шифохонага етказилди ва тез орада у ердан чиқди.
Аллигаторни ушлаб, ўлим инъекцияси билан ухлатиб қўйишга тўғри келди. Шунга ўхшаш ҳолат аввал ҳам содир бўлганди. Ўшанда аллигатор машҳур боксчи Владимир Кличконинг ўғлига ҳужум қилганди.
Мазкур воқеага муносабат билдирган «РИА Новости» фойдаланувчилари аллигаторнинг ушлаб ўлдирилганига қарши чиқди.
«Келинглар дунёдаги барча аллигаторларни ўлдирайлик, ахир улар ҳам кимнидир тишлаб олиши мумкиндир. Фарзандлар ҳар қаерда чўмилмаслиги учун эътиборли бўлиш лозим», — киноя аралаш фикр билдирди фойдаланувчилардан бири.
«Бечора қизча. Лекин у аллигаторлар орасида чўмилган. АҚШ халқига ҳам тушуниш қийин: аллигаторни ушлаб, ўлдирди», — дея воқеага ўз муносабатини билдирди бошқа бир фойдаланувчи.
Изоҳ (0)