Тошкентда ўтаётган бокс бўйича Осиё чемпионатининг финалида жанг қилган еттинчи ўзбекистонлик спортчи еттинчи олтин медаль эгасига айланди.
64 килограммгача бўлган боксчилар ўртасидаги мусобақанинг финалига қадар етиб келган Иқбол Холдоров мўғулистонлик рақиби билан тенгма-тенг жанг қилди. Унинг якунида ҳакамлар ўзбекистонлик спортчи очколар ҳисоби бўйича ғолиб чиққанини эътироф этди.
Маълумот учун, шанба куни тўрт нафар ўзбекистонликка қитъа чемпионлиги насиб қилган бўлса, якшанба куни жанг қилган уч спортчининг барчаси олтин медални қўлга киритди. Олдинда Шаҳрам Ғиёсов ва Баҳодир Жалолов иштирокидаги финал жанглари бор.
Осиё чемпионатини томоша қилиш учун ватани Ўзбекистонга ташриф буюрган Руслан Чагаев финал жангларини «Ўзбекистон» спорт мажмуасининг ўзидан томоша қилмоқда.
Изоҳ (0)