Тошкентда давомли ерости силкинишлари сезилди

Тошкент шаҳрида 5 май, жума куни маҳаллий вақт билан соат 10:09 да давомли ерости силкинишлари сезилди.

Европа—Ўртаер денгизи сейсмология маркази маълумотларига кўра, Тошкент вақти билан 10:09 да Тожикистон ҳудудида магнитудаси 5,9 га тенг зилзила юз берган.

Ерости силкинишлари маркази Ўзбекистоннинг Фарғона шаҳридан 102 километр жанубда экани айтилмоқда. Зилзила ўчоғи 10 километр чуқурликда бўлган.

Бу сўнгги икки кун давомида Тошкент шаҳрида сезилган тўртинчи ерости силкинишидир. Хусусан, Тошкентда 3 май куни соат 9:47 да 3,5—4 балли, 4 майга ўтар кечаси соат 1:03 да ва 4 май куни куни соат 16:10 да 2 балли ерости силкинишлари қайд этилган эди.