Американинг Apple компанияси АҚШда янги иш ўринларини яратишга 1 миллиард доллар маблағ сарфлайди. Бу ҳақда компания раҳбари Тим Кук CNBC телеканалига берган интервьюсида айтиб ўтди, деб ёзади «РБК».
У бу мақсадга йўналтирилган илк маблағ ҳақида май охирларида эълон қилишини айтди. Шу мақсадларда махсус жамғарма ташкил этилади.
«Кўпчилик одамлар мендан наҳотки компания иш ўринларини кўпайтириш ҳақида ўйлаши керак, деб сўрашади. Уларга жавобим — компания ўз аҳамиятига эга бўлиши керак, чунки у коллектив демакдир. Ва одамлар ҳам ўз аҳамияти ҳақида билиши керак, шу туфайли менинг жавобим — компания ишчилар учун ўринлар яратиши шарт», — деди Кук.
Associated Press ёзишича, Apple’нинг бундай қадамини унинг танқидга қарши туришга уриниши деб баҳолаш мумкин: компаниянинг кўпчилик маҳсулотлари Хитойда ёки бошқа мамлакатларда ишлаб чиқарилади, бу эса норозиликка сабаб бўлмоқда.
Изоҳ (0)