Хитойнинг CRRC компанияси 2020 йилга қадар соатига 400 километр тезликда ҳаракатлана оладиган ўта тезюрар поездни яратиш устида ишламоқда. Бу ҳақда China Daily нашрига таяниб, «ТАСС» хабар берди.
«Лойиҳалаш ва ишлаб чиқаришда биз углерод толаси ва алюминий қотишмаси каби янги материаллардан фойдаланамиз. Улар юк вазнини камайтиришга ва энергия самарадорлигини оширишга ёрдам беради», — дейди Чанчун темирйўл транспорти компанияси бош муҳандиси Цяо Фэн.
Унинг сўзларига кўра, янги поезд ҳозирги 350 километр/соатгача ҳаракатланадиган поездларга нисбатан йўловчи бошига энергияни 10 фоизга тежаш имконини беради.
«CRRC уш бу поездларни экспорт қилишни ҳам режалаштирмоқда», — деди мутахассис.
Хитойлик кузатувчиларнинг таъкидлашича, янгилик ХХР ҳукуматининг «камар ва йўл» ташаббусига бевосита боғлиқ бўлиб, мамлакатлар интеграцияси даражасини ошириши керак.
«Бу кўплаб бозорларни қамраб олади — Ўрта ва Жанубий Осиё, Яқин Шарқ, шунингдек, Шарқий Европа. Натижада ушбу минтақадаги кўплаб мамлакатларнинг автотранспортга қарамлиги камаяди», — деди Ривошланиш ва ислоҳотлар давлат қўмитаси вакили Фэн Хао.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)