2 май, сешанба куни Reddit янгиликлар сайти фойдаланувчилари ёш қизчанинг ниқобини тақиб олган эркакнинг видеосига диққат қаратди. Видеога изоҳ қолдирганлар «ўлик кўзли» ниқобнинг катта инсон танаси билан ўта уйғунлиги сабаб уни «қўрқинчли» деб атади, дея хабар берди TJournal.
Ниқобни Колорадо штатининг Денвер шаҳридан бўлган Ландон Майер исмли ижодкор яратган. У 2000 йилда Hyperflesh компаниясига асос солган ва болалар ниқобини сота бошлаган, бироқ кейинчалик машҳурлар «юзи»ни яратишга ўтиб кетган. 17 йил давомида у Ebay орқали сотилган кўплаб ишларни амалга оширди: Ниқоблари ичида энг машҳурлари Чарли Шин («Взвод»), Питер Динклейж («Тахтлар ўйини»), боксчи Майк Тайсон ва АҚШ собиқ президенти Барак Обамага тегишли.
Майер ниқобларни яратишда 3D-принтеридан фойдаланади, шундан сўнг уларни бўяйди ва қўшимча қисмлар қўшади: сочлар ва ажинлар. Майернинг сўзларига кўра, баъзи ниқобларга бир неча ҳафта ёки ойлаб вақт сарфлайди.
2016 йилда Майер асосан сиёсатга диққат қаратадиган бўлди. Калифорниядаги Monsterpalooza қўрқинчли фимлар фестивалида унинг компанияси АҚШ президентлик пойгасининг асосий номзодлари ниқобларини намойиш этди: Дональд Трамп, Ҳиллари Клинтон ва Берни Сандерс.
SNN’нинг маълумотларига кўра, фестивалдан сўнг Майер бу ниқоблари 4,5 минг долларга сотган.
Ижодкор 2017 йилда яна Monsterpalooza’да пайдо бўлди. Бу сафар у яратган Трамп, Путин ва Ким Чен Ин ниқобидаги одамлар биргаликда рақс ижро этди. Шундан сўнг, Шимолий Корея ва АҚШ етакчилари жанжаллашиб кетди, Путин эса уларни яраштириб қўйди. Майернинг ўзи Путин ролини ижро этди.
Майер қўрқинчли фильмларни яхши кўргани учун атайлаб шу каби ниқобларни яратишини тан олди.
Изоҳ (0)