Ўзининг триллер ва даҳшатли жанрдаги романлари орқали танилган америкалик ёзувчи Стивен Кинг АҚШ президенти Дональд Трампнинг ядро тугмасидан фойдалана олишини ўзининг ҳар қандай асаридан ҳам қўрқинчлироқ деб ҳисоблайди. Бу ҳақда Кинг ўз Twitter’ида маълум қилди, деб ёзади «ТАСС».
«Бу йигит (Трамп)нинг бармоғи қизил тугма устида тургани мен ёзган ҳар қандай даҳшатли ҳикоялардан ҳам қўрқинчлироқ», — дейилади хабарда. «Трамп давлат раҳбари лавозимида ишлаган илк юз куни давомида ёзган твитлар унинг анча аниқ портретини чизиб берди: у шахсиятнинг нарциссик касаллигининг содда намунасини ўзида мужассамлаштиради», — деб ҳисоблайди ёзувчи.
Кинг Трампга нисбатан биринчи марта танқид билан чиқиш қилиши эмас. Президент сайловларигача эса у Трампнинг сайланишига йўл қўймасликка чақирувчи петиция билан чиққан 450 дан ортиқ америкалик ёзувчилардан бири бўлган.
Изоҳ (0)