Кўк кўзли орангутан-альбинос Борнеода асирликдан озод қилинди

Беш ёшли урғочи орангутан-альбинос Индонезиядаги Борнео оролида асирликдан озод қилинди, деб хабар берди Daily Mail.

Икки кун қафасда ўтирган маймун Борнеода орангутанларни қутқариш фонди (The Borneo Orangutan Survival Foundation) фаоллари томонидан қутқарилди. Экологларнинг сўзларига кўра, ушбу альбинос — озод қилишга эришилган биринчи альбиносдир.

Урғочи Калимантан орангутанининг териси оқ рангда, кўзлари кўк ва юнги кулранг, шунингдек, у ёруғликка ўта таъсирчан. Маҳаллий ОАВ нинг маълум қилишича, бу турдаги маймунларнинг ўн мингдан биттаси альбинос бўлиши мумкин.

Ҳайвонни қутқаришга муваффақ бўлган Фонд кузатувчилари унинг соғлигини назорат қилмоқда. Уларнинг сўзларига кўра, маймун тез орада табиий шароитга қўйиб юборилади.

2016 йил сентябрь ойида Жаҳон табиатни муҳофаза қилиш конгресси йиғилишида Калимантан орангутани ва Суматра орангутани йўқолиб кетиш арафасида бўлган ҳайвонлар қаторига киритилган ҳақидаги ҳисобот тақим этилган эди.

Борнео ҳамда Суматра ороллари — бу каби одамсимон маймунлар яшайдиган ер юзидаги ягона маскан ҳисобланади. Мутахассисларнинг 2016 йил март ойидаги фикрича, у ерда 60 минг орангутан яшайди.

«Дарё»нинг Telegram’даги расмий канали — @toshqindaryo’га аъзо бўлинг!