Instagram биринчи марта «Воқеалар» (Stories) функциясида оммавий носозликларга дуч келди, деб ёзади TJournal.
Бутун дунё бўйлаб фойдаланувчилар бўлимга фотосуратларни жойлай олмаётганлиги ҳақида маълум қила бошлади: бошқаларнинг воқеаларини кўриш мумкин эди, аммо ниманидир юклашга уринишда сервис хатолик чиқариб берарди.
Бошқа фойдаланувчилар воқеалардан ташқари, Instagram’га видеороликларни юклаб бўлмаслигини ҳам пайқаб қолди.
13 апрелдаги статистикага кўра, Instagram’даги «Воқеалар» функциясини ҳар куни 200 миллион киши ишлатади. Instagram блогида носозлик ҳақида ҳеч қандай расмий маълумот берилмади, аммо Twitter’да компания вакиллари муаммолар борлигини эътироф этди.
Изоҳ (0)