Венесуэла президенти Николас Мадуро мамлакатда давом этаётган оммавий норозилик намойишлари фонида энг кам иш ҳақи миқдори бир йўла 60 фоизга оширилишини эълон қилди. Бу ҳақда «Корреспондент.net» хабар бермоқда.
1 майдан бошлаб иш ҳақининг энг кам миқдори 40 минг боливар ўрнига 65 минг боливарни ташкил этади. Асосий маҳсулотларни харид қилиш учун ажратиладиган 135 минг боливар билан бирга унинг миқдори 200 минг боливарга етади.
Шунингдек, пенсионерлар учун илк бор 19,5 минг боливар миқдоридаги қўшимча тўловлар жорий этилади.
Минимал иш ҳақининг ошиши жорий йил мобайнида учинчи бор амалга оширилмоқда. Шу билан бирга, пул қадрсизланишининг юқори суръатлари сақланиб қолмоқда.
Маълумот учун, «қора бозор» курси бўйича мамлакатдаги энг кам иш ҳақи миқдори барча тўловлар билан бирга тахминан 47 долларни ташкил этмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)