Дубайда миллион долларлик қаҳраболи кўчма масжид намойиш қилинди

Amber Palm компанияси 27 апрель, пайшанба куни Burj Al Arab меҳмонхонасида қиймати бир миллион долларлик кўчма «қаҳрабо тошли ихчам масжид»ни намойиш этди, деб хабар берди UAE Inside.

Кўчма қаҳраболи масжид — икки киши сиғиши мумкин бўлган, асосан қаҳрабо плитка ва ёғочдан ишланган кичкина хона.

Шаффоф қаҳрабо ёритиш тизимига эгалиги сабаб, тузилма тўқ сариқ, қизил-жигарранг ҳамда сариқ рангнинг майин товланишини намоён қилади. Юқори қисмидан масжидлар архитектурасининг асосий хусусияти — гумбазсимон марказий тузилма билан ярим ой ўрин олган. Хонанинг ичига гилам тўшалган, марказий деворда эса ислом каллиграфияси тасвирланган.

«Дарё»нинг Telegram’даги расмий канали — @toshqindaryo’га аъзо бўлинг!