Туркия ва Ҳиндистон ўзаро ҳисоб-китобларда доллардан воз кечиш ва бунинг ўрнига миллий валюталардан фойдаланиш имкониятини муҳокама қилиши мумкин. Бу ҳақда Туркия президенти Ражаб Тоййиб Эрдўғон Ҳиндистонга ташрифи доирасида Нью-Деҳлида бўлиб ўтган Туркия—Ҳиндистон бизнес форумида маълум қилди, деб ёзмоқда «РИА Новости».
«Экспорт ва импорт операциялари миллий валюталарда амалга оширилиши мумкин. Бу валюта курслари ўйнашининг салбий таъсирларини камайтиради», — деди Эрдўғон.
Унинг сўзларига кўра, савдода турк лираси ва ҳинд рупиясига ўтиш икки мамлакат иқтисодиётига ижобий таъсир кўрсатади. Президентнинг фикрича, Туркия ва Ҳиндистон ўзаро савдо ҳамкорлиги салоҳиятидан тўлиқ фойдаланмаяпти.
«Атом энергетикаси соҳаси Туркия ва Ҳиндистон ҳамкорлигининг йўналишларидан бири бўлиши мумкин», — деб қўшимча қилди Туркия президенти.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)