Швеция пойтахти Стокгольм яқинидаги Йерфелла шаҳрида имом Али номли мамлакатдаги йирик шиа масжидларидан бирига ўт қўйилди. Бу ҳақда «ТАСС» хабар бермоқда.
«Бинога унинг ташқи томонидан ўт қўйилган кўринади. Ёнғинни бартараф этиш учун бир неча ўт ўчириш бригадалари етиб келди. Ҳодисада ҳеч ким жабрланмади», — дея таъкидлади пойтахт полицияси матбуот хизмати масъули Ларс Бюстрем.
Масжид вакилларига кўра, бинонинг 30—50 фоизи шикастланган. Унинг ичида 3 мингдан ортиқ китобга эга кутубхона бор эди, бироқ уларга зиён етган ёки йўқлиги ҳозирча номаълум.
1 май, душанба куни масжидда 80 нафар бола учун машғулот ўтказилиши режалаштирилганди. Мазкур тадбир бекор қилинди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)