АҚШ президенти Дональд Трамп ва Филиппин президенти Родриго Дутерте телефон орқали мулоқотда минтақавий хавфсизлик масалаларини муҳокама этди. Бу ҳақда Оқ Уй матбуот хизмати маълум қилди, дея хабар беради «ТАСС».
«Дўстона руҳда ўтган суҳбатда икки етакчи Жануби-Шарқий Осиё давлатлари уюшмасини хавотирган солаётган минтақавий хавфсизлик, жумладан, Шимолий Корея таҳдиди билан боғлиқ масалаларни кўриб чиқди. Улар Филиппин ҳукумати мамлакатда наркотикларга қарши оғир кураш олиб бораётганига ҳам тўхталди», — дейилади матбуот хизмати хабарида.
Матбуот хизматига кўра, Трампга мулоқот маъқул келган ва у ноябрда Филиппинга Шарқий Осиё саммитида иштирок этиш учун боришини кутмоқда.
Шунингдек, у Дутертени икки мамлакат ҳамкорлигини муҳокама этиш учун Оқ Уйга таклиф этди.
Изоҳ (0)