Остонада тиғиз пайт йўллардаги тирбандликнинг олдини олиш учун иш вақти бошланиши жадвалини ўзгартириш режаси ишлаб чиқилмоқда. Бу ҳақда Қозоғистон пойтахти ҳокими ўринбосари Сергей Хорошун маълум қилди, деб хабар беради Tengrinews.
«Аҳолининг барча тоифаси учун иш вақти жадвалини ўзгартириш режаси ишлаб чиқилмоқда. Яқин икки ҳафта ичида тегишли қарор қабул қилинади. Бир пайтнинг ўзида, соат 8—9 ларда ҳамма ишга отланмаслиги учун ишнинг бошланиш вақтини ўзгартирамиз», —таъкидлади Хорошун.
Маълумот учун, Остонада йўллардаги тирбандлик муаммосини ҳал этиш учун 2015 йил сентябрида иш ва мактаб машғулотлари бошланиш вақтини ўзгартириш таклифи киритилганди.
Изоҳ (0)