Саудия Арабистони иқтисодиёт вазири ўринбосари Муҳаммад ал Тувайрий Германия канцлери Ангела Меркель «барча саудиялик аёллар учун ўрнак» ҳисобланишини айтди ва уни «ўзига хос юлдуз» деб атади. Бу ҳақда у Der Spiegel журналига берган интервьюсида айтиб ўтди, деб ёзади «Корреспондент.net». Вазир ўринбосарининг фикрича, Меркель ўз карьераси ва ўз қадриятлари билан раҳбар лавозимларда ишловчи аёлларни ва келажакда бундай амалга эришиш истагидаги қизларни илҳомлантиради.
Олий амалдор ҳукуматнинг Саудия жамиятида аёллар ўрнини ўзгартириш режалари ҳақида гапириб берди. У аёлларнинг ишчи кучисиз мамлакат бундан буёғига ўзини эплай олмаслигини айтди.
Ал Тувайрий, шунингдек, Саудия Арабистони Германияни биринчи навбатда еттита иқтисодий шерикларидан бири деб ҳисоблашини, шу туфайли муносабатларни немис жамиятида баҳсларни келтириб чиқарувчи ҳарбий битимлар билан мураккаблаштирмоқчи эмаслигини маълум қилди.
Ангела Меркель 30 апрель куни Саудия ҳукумати билан музокаралар олиб бориш учун Жиддага келди. Делегациялар терроризмга қарши кураш, иқтисодий алоқаларни ривожлантириш ва инсон ҳуқуқлари, шу жумладан, аёллар ҳуқуқлари муаммосини муҳокама қилиши кутилмоқда.
Изоҳ (0)