АҚШ президентининг ўғли кичик Дональд Трамп отасининг давлат раҳбари лавозимидаги 100 кун мобайнида ташқи сиёсий саҳнада эришган ютуқларини санаб ўтди. Бу ҳақда «ТАСС» хабар бермоқда.
Кичик Дональд Трамп Fox News телеканалига берган интервьюсида Суриядаги аэродромнинг ўққа тутилиши, ИШИдга қарши кураш ва КХДР таҳдидининг олдини олишга қаратилган ҳаракатлар президентнинг асосий муваффақиятлари эканлигини билдирди.
«Бош қўмондон сифатида отам кимёвий қурол қўллаган Сурия президенти Башар Асадга қарши кескин ҳаракатларга қўл урди. Америка ИШИДга қарши ҳамма жойда — Афғонистон ғорларидан тортиб Мосулгача курашмоқда. Қўшма Штатлар, ниҳоят, Шимолий Корея таҳдидининг олдини олишга уринмоқда.
Президент Трамп АҚШ қуролли кучлари қудратини тиклаш, душманларга қарши кураш ва мамлакатни ҳимоя қилиш учун жанговар тайёргарлигини оширишга аҳд қилган», — таъкидлади кичик Дональд Трамп.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)