Тошкентдаги International Hotel Tashkent меҳмонхонасида 25 апрелда тўртинчи Usenet 2017 digital-конференцияси бўлиб ўтди. Конференцияда Ўзбекистон, Россия ва Қозоғистонинг 20 дан ортиқ экспертлари иштирок этди. Бу ҳақда конференция ташкилотчилари «Дарё»га хабар берди.
Бу йилги конференцияда иштирок этиш учун 2000 дан ортиқ киши ариза топширди. Тадбирда «Яндекс», Beeline, «Одноклассники», Dentsu Aegis Network, Green PR, CLICK, WEBNOW компанияларининг етакчи менежер ва экспертлари иштирок этди.
Конференциянинг очилиш маросимида Ўзбекистон Республикаси Ахборот технологиялари ва коммуникацияларни ривожлантириш вазири вазифасини бажарувчи Шерзод Шерматов иштирок этди.
Конференция доирасида «2017—2021 йилларда юқори тезликдаги мобил интернет ривожи. 3G кенгайиши, 4G татбиқи ва 5G’га ўтиш: технологиялар, инвестициялар, ашёлар интернети» мавзусида давра суҳбати бўлиб ўтди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)