Ўзбекистон Республикаси Меҳнат вазирлигида Жаҳон банкининг ижтимоий тараққиёт бўйича катта мутахассислари Роберт Вробел ва Санжай Агарвал билан учрашув бўлиб ўтди, деб хабар берди вазирлик матбуот хизмати.
Учрашувда Меҳнат вазирлиги вакиллари меҳмонларни Ўзбекистон Республикасини Халқаро меҳнат ташкилоти ва Жаҳон банки билан меҳнат соҳасида миллий ва халқаро стандартларга риоя қилиш, қишлоқ хўжалигида қулай ва хавфсиз иш шароитларини яратиш, шунингдек, муносиб меҳнат борасидаги Давлат дастури доирасида мажбурий ва болалар меҳнатининг барча турларига йўл қўймаслик конструктив ҳамкорлиги бўйича чора-тадбирлар билан таништирилди.
Ўзбекистонда Халқаро меҳнат ташкилотининг ратификация қилинган конвенциялари меъёрлари миллий қонунчиликка имплементация қилинган, бунинг учун уларнинг реализациясини таъминловчи янги қонун ва норматив-ҳуқуқий ҳужжатлар ишлаб чиқилди ва қабул қилинди.
Ўз навбатида, Роберд Вробел мамлакатда меҳнат соҳасида катта ўзгаришлар рўй бераётгани давлат, касаба уюшмалари ва иш берувчилар ўртасида конструктив ижтимоий мулоқот ташкил этилгани, ҳамда Жаҳон банки Ўзбекистон билан янада самарали ҳамкорлик тарафдори бўлиб қолишини таъкидлаб ўтди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)