Россиянинг Тюмен вилоятидаги Упоровский туманида фаолият олиб борувчи «КРиММ» агрофирмаси ва AGROVER қишлоқ хўжалиги компанияси ўртасида Ўзбекистон Республикасига «Розара» ва «Рэд Скарлет» навли 600 тонна уруғлик картошкасини импорт қилиш бўйича шартнома имзоланди. Бу ҳақда «Тюменская линия» нашри хабар берди.
Ўзбекистонга «КРиММ» агрофирмасининг уруғлик картошкасини етказиб бериш бўйича шартнома фирма томонидан имзоланган иккинчи шартнома бўлиб, биринчи шартномага асосан фирма икки минг тонна истеъмол учун мўлжалланган картошка етказиб берган.
Биринчи шартномани амалга оширгач, икки тенг ҳамкор сифатида, биз ўз ишимизга юқори баҳо бедик. Бизнинг бир-биримиздан кўнглимиз тўқ. Шунинг учун 600 тонна уруғлик картошка етказиб бериш бўйича кейинги шартномани имзоладик.Уруғлик картошкаси юборилишдан олдин жиддий сифат назоратидан ўтказилади. Уруғликнинг дастлабки қисми Ўзбекистонга жўнатилган. Уруғлик тўлиқ ҳажмда 15 майгача етказиб берилади.Геннадий Рязанов, «КРиММ» агрофирмаси бош директори
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)