Ўзбекистонда жорий йил охиригача мобил алоқа операторлари ва интернет-провайдерлар хизматларини миллий валютада нархлашга ўтказиш бўйича қарор ишлаб чиқилади. Бу ҳақда Usenet 2017 конференцияси доирасидаги давра суҳбатида Ўзбекистон Республикаси Ахборот технологиялари ва коммуникацияларини ривожлантириш вазири ўринбосари Умиджон Аъламов маълум қилди, дея хабар беради «Terabayt.uz».
Вазирлик вакилининг таъкидлашича, бу борада истеъмолчилардан, жумладан, корпоратив мижозлардан кўплаб шикоятлар келиб тушган. Улар асосан хизматларнинг АҚШ долларида нархланиши билан боғлиқ ноқулайликлардан норозилик билдирган.
«Ўтиш жараёнининг ўзи катта маблағларни талаб қилади, бу арзонга тушадиган тадбир эмас. Бироқ, Ҳаракатлар стратегиясига кўра, миллий валютада нархлашга ҳамма ўтади: мобил операторлар ҳам, интернет-провайдерлар ҳам. Қарор шу йил охиригача ишлаб чиқилади ва келгуси йилдан амалга оширила бошлайди», — дея таъкидлади Умиджон Аъламов.
Изоҳ (0)