Сергей Лушчан мураббийлик қилаётган Тошкентнинг «Бунёдкор» клуби Осиё Чемпионлар лигасининг гуруҳ босқичида зафар қучди. Бу ҳолат уч йил деганда биринчи бор кузатилди.
Мусобақани кетма-кет тўрт мағлубият билан бошлаган «қалдирғочлар» муддатидан аввал сўнгги ўрин билан чекланишга мажбур бўлганди. Йўқотадиган нарса қолинмаганидан кейин эса Тошкент гранди 5-турда Саудия клубини мағлуб эта олди — 2:0.
Мазкур ғалаба «Бунёдкор»га ҳеч қандай ёрдам бермади ва фақатгина Сергей Лушчаннинг қора анъанасига чек қўйди. Тошкентликлар сўнгги бор 2014 йилнинг 23 апрель куни «Ал-Жаиш» клубини мағлуб этишга муваффақ бўлганди. Шундан сўнг ОЧЛ гуруҳ босқичидаги кетма-кет 18 та ўйинда зафар қуча олмади.
Мағлуб томон «Ал-Аҳли» эса сўнгги тур олдидан қийин вазиятда қолди.
Осиё Чемпионлар лигаси «C» гуруҳи. 5-тур 24 апрель, душанба
«Бунёдкор» — «Ал-Аҳли» (Саудия) 2:0
Голлар: Акром Комилов, 8 (1:0). Элдор Шомуродов, 54 (2:0).«Зоб Оҳан» (Эрон) — «Ал-Айн» (БАА) 0:3
Голлар: Асприля, 25 (0:1). Умар Абдулраҳмон, 60 (0:2). Муҳаммад Абдулраҳмон, 81 (0:3).
Изоҳ (0)