АҚШ томони Туркия ҳарбий-ҳаво кучларининг авиазарбалари оқибатида курд кўнгилли бўлинмалари жангчилари ҳалок бўлганини тасдиқлади. Бу ҳақда «РИА Новости» хабар бермоқда.
Аввалроқ курд кўнгиллиларнинг YPG бўлинмаси вакили Туркиянинг Сурия шимоли бўйлаб берган авиазарбалари оқибатида 20 нафар жангчи ҳалок бўлгани, 18 нафари тан жароҳати олганини маълум қилган эди.
Бундан ташқари, Туркия авиацияси 25 апрель куни тонгда Ироқ шимолидаги Синжар вилоятига, Туркияда террорчилик ташкилоти деб тан олинган Курдистон ишчи партияси марраларига ҳам зарбалар берди.
«Туркия ҳарбий-ҳаво кучларининг кетма-кет авиазарбалари оқибатида ўндан зиёд суриялик ва курд кўнгиллилари ҳалок бўлган. Бу жуда жиддий», — дея хабар бермоқда Fox News телеканали Пентагон вакилига таяниб.
Ўз навбатида, АҚШ Мудофаа вазирлиги вакили Ироқнинг барча қўшнилари унинг суверенитети ва ҳудудий яхлитлигини ҳурмат қилиши лозимлигини таъкидлади.
«Биз барча кучларни коалициянинг Ироқ ва Суриядаги ИШИДга қарши ресурсларини чалғитадиган ҳолатларга эмас, балки минтақадаги тинчлик ва хавфсизликка энг катта таҳдидга қарши курашга қаратишга ва ИШИДга қарши курашишга чақирамиз», — дея қўшимча қилди Пентагон вакили.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)