Бухоро вилояти божхона бошқармаси ходимлари томонидан ўтказилган тадбирда Ғиждувон туманида истиқомат қилувчи Н.Маъруфов давлат рўйхатидан ўтмасдан туриб, ноқонуний равишда тадбиркорлик билан шуғулланиб келганлиги маълум бўлди. Н.Маъруфов ўз уйида қўлбола мойжувоз цехи фаолиятини йўлга қўйиб, сифатсиз ва инсон саломатлиги учун зарарли бўлган пахта ёғини ишлаб чиқаришни йўлга қўйган. Бу ҳақда Давлат божхона қўмитаси ахборот хизмати «Дарё»га маълум қилди.
Тезкор тадбир давомида ушбу хонадонда 1880 кг чигит, 227 кг кунжара ва 180 литр қўлбола усулда тайёрланган пахта ёғи борлиги аниқланган ва ашёвий далил сифатида олиб қўйилган.
Ёғ ишлаб чиқариш учун мўлжалланган ушбу чигитлар аслида уруғлик чигитлар бўлиб, уларга кимёвий заҳарли дорилар билан ишлов берилган. Шу сабабли, улардан тайёрланган пахта ёғи инсон саломатлиги учун ўта хавфли ҳисобланади.
Ушбу ҳолат юзасидан божхона текширувлари ва суриштирув жараёнлари олиб борилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)