Ўзбекистонда «Давлат харидлари тўғрисида»ги қонун лойиҳаси ишлаб чиқилди. Лойиҳа Норматив-ҳуқуқий ҳужжатлар муҳокамаси порталига жойлаштирилди, дея хабар беради Uzdaily.
Қонун лойиҳасига кўра, давлат харидлари соҳасидаги сиёсатнинг асосий мақсади мазкур жараённинг барча иштирокчилари учун қулай муҳитни шакллантириш, харидларни амалга ошириш чоғида коррупция ва қонунчиликнинг бошқа бузилишларига йўл қўймасликдан иборат.
Давлат харидларини амалга оширишда ижтимоий-иқтисодий сиёсатнинг устувор йўналишлари, жумладан, маҳаллий ишлаб чиқарувчиларни қўллаб-қувватлаш, юқори технологиялар, қулай экологик шароитни сақлаб қолишга эътибор қаратилади.
Қонун лойиҳаси харидор, етказиб берувчи ва воситачининг ҳуқуқ-мажбуриятларига ойдинлик киритувчи меъёрларни ўз ичига олади. Давлат хариди жараёнини белгилаб беради.
Давлат харидлари ҳақидаги тўлиқ маълумотларга эга бўлиш учун махсус ахборот порталидан фойдаланиш кўзда тутилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)