Нукус шаҳридаги танқидга учраган Гўне қала автотураргоҳи бошқа жойга кўчириладиган бўлди

«Қарақалпақстан» телеканалида «Халқ мапи» («Халқ манфаати») кўрсатуви орқали халқ фикридан келиб чиқиб, Гўне қала (Эски шаҳар) ҳудудидаги ёқимсиз ҳолатга эътибор қаратилди, деб хабар берди «KRuz.uz».

Кўрсатувда бу ерда талабга жавоб берадиган бекатнинг йўқлиги, йўналишли таксилар учун қулай шароитнинг мавжуд эмаслиги танқид қилинди. Телеканал орқали ҳайдовчилар ўз фикрларини билдириб ўтиб, бекатнинг йўлларини яхшилаб беришни сўради.

«Автовокзал олдин қурилган пайтда кўп нарса эътиборга олинмай қолган. Бугунги кунда автомобилларнинг турган жойи ҳеч кимга бириктирилмаган. На юридик шахсга, на жисмоний шахсга. Бу йил ушбу тураргоҳни «Жийдели Байсин» посёлкасига кўчирамиз», — деди ушбуу ҳолат бўйича Ўзбекистон автомобиль ва дарё транс агентлиги бўлим бошлиғи Аллаберген Бердиев.

Аввалроқ, Нукус шимолий автовокзалида чипталар сотилмаётгани танқид қилинган эди.

«Дарё»нинг Telegram’даги расмий канали — @toshqindaryo’га аъзо бўлинг!