Франциянинг Нант шаҳридадаги клиникалардан бирида «Сен ёлғиз эмассан» Фонди билан ўрнатилган ҳамкорлик асосида қорақалпоғистонлик 8 ойлик Умиджон Бердахов ва хоразмлик 9 ёшли Алибек Абдуллаев ўтган ойнинг сўнгида мураккаб юрак операциясини ўтказди. Ҳозирги вақтда улар операциядан кейинги муолажа жараёнини ўтмоқда. Бу ҳақда Лола Каримова-Тиллаева ўзининг Facebook’даги саҳифасида маълум қилди.
Мазкур акция «Сен ёлғиз эмассан» Фондининг «Умид ришталари» француз уюшмаси билан биргаликдаги туғма юрак нуқсони билан хасталанган болаларга тиббий ёрдам бериш мақсадида еттинчи маротаба амалга оширилаётган акцияси ҳисобланади.
Фурсатдан фойдаланиб, Нант Педиатрия клиникасига, шахсан профессор Оливье Барон ҳамда унинг ҳамкасблари анестезиолог Ариан де Виндт, реаниматолог Жан Мишель Лиет, кардиолог Надир Бенбрик, перфузиолог Луи Мерин ва реанимацион ҳамшира Лоренс Домителларга ўз миннатдорчилигимни изҳор этаман.Лола Каримова-Тиллаева
«Сен ёлғиз эмассан» Фондининг «Умид ришталари» француз уюшмаси билан ҳамкорлиги доирасида ота-она қарамоғисиз қолган ва кам таъминланган оилаларнинг жами 37 нафар боласига жарроҳлик амалиёти амалга оширилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)