Билимлар билан айирбошлаш учун мўлжалланган Quora сервиси 85 миллион доллар маблағни жалб қилди, дея хабар бермоқда «VC.ru» компания асосчиси ва раҳбари Адам д’Анжелога таяниб. Унинг сўзларига кўра, пул халқаро экспансия (таъсир доирасини кенгайтириш) ва реклама бизнесини ривожлантиришга сарфланади.
«D» сериясидаги раундда Quora’нинг асосий инвесторлари Y Combinator Continuity ва Collaborative Fund жамғармалари бўлди. Бундан ташқари, битимда компаниянинг аввалги инвесторлари ҳам иштирок этди, булар — Tiger Global, Matrix Partners жамғармалари ва Facebook ҳамасосчиси Дастин Московиц. 2014 йилда улар Quora’га 80 миллион доллар киритганди.
Fortune маълумотларига кўра, ўшанда Quora 900 миллион долларга баҳоланган, уч йил ичида эса бу рақам, Venture Beat компаниядаги манбасига таяниб хабар қилишича, «деярли икки марта кўпайган».
Д’Анжелонинг айтишича, сервис раҳбарияти ҳозирча IPO ўтказмоқчи эмас: «Бизнинг узоқ муддатли мақсадимиз — мустақил компания бўлиб қолиш. Вақт ўтиши билан биз, балки очиқ компанияга айланармиз, аммо ҳозирча реклама бизнеси асосида барқарор бизнес-модель яратишни ва пул маблағлари оқиб келишига эришишни истаймиз».
Изоҳ (0)