Malaysia Airlines авиакомпаниясининг барча самолётлари манзили ва парвоз параметрлари ҳақида ҳар дақиқада хабар беради. Бу ҳақда New Straits Times манбаларига таяниб, «ТАСС» хабар бермоқда.
Газетага кўра, бу янгилик АҚШнинг Aireon корпорацияси томонидан яратилган ва келгуси йилдан иш бошлайдиган назорат тизими ёрдамида жорий этилади.
Унинг ҳозирги ҳаво кемалари манзили назорати тизимларидан асосий фарқи сигналлар ердаги станцияларга эмас (улар океан усти ва чекка ҳудудларда самолёт парвозини кузатолмаслиги мумкин), сунъий йўлдошларга узатилишидадир.
АҚШ корпорацияси январь ойида орбитага самолётлардан сигналларни қабул қилиб оладиган илк 10 та сунъий йўлдошни чиқарди. Уларнинг жами сони 60 тадан ошиши кутилмоқда.
2014 йил 8 мартда Куала-Лумпурдан Пекинга учган, бортида 239 киши бўлган Malaysia Airlines компанияси самолёти ҳавога кўтарилганидан бир соат ўтиб радарлардан йўқолиб қолган ва ҳозиргача топилмаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)