Эрдўғон Трамп билан шахсан учрашиб, Суриядаги вазиятни муҳокама қилиши билдирилди

Туркия президенти Ражаб Тоййиб Эрдўғон АҚШ президенти Дональд Трамп билан келгуси ойда шахсан кўришиш ва қатор мавзулар, жумладан, Суриядаги вазиятни муҳокама қилишни мўлжалламоқда. Бу ҳақда у Al Jazeera телеканалига берган интервьюсида маълум қилди, дея хабар беради «ТАСС». 

«Трамп билан учрашув май ойи бошларида ўтказилса керак. Ҳозир бунга тайёргарлик олиб борилмоқда. Унда қатор мавзуларда батафсил музокаралар олиб борамиз», — дея таъкидлади Эрдўғон. 

Туркия президенти Курдистон ишчи партияси (КIP), АҚШ қўллаб-қувватлаётган суриялик курдларнинг «Халқ мудофааси кучлари»га (ХМК) нисбатан муносабат ўзгартирилишига умид қилаётганини билдирди. 

«АҚШ террорчи ташкилотларга нисбатан стратегиясини ўзгатириши лозим. ИШИД — террорчи гуруҳ, бироқ КIP ва ХМК каби террорчи тузилмалар ҳам бор. Уларга нисбатан шундан келиб чиқиб иш кўриш зарур», — деди Туркия президенти.

«Дарё»нинг Telegram’даги расмий канали — @toshqindaryo’га аъзо бўлинг!