Россия ғарб сиёсатчилари томонидан билдирилаётган таклифларга қарамасдан, ҳеч қачон АҚШ бошчилигидаги Сурия бўйича антитеррористик коалицияга қўшилмайди. Бу ҳақда «Известия» газетасига таяниб, «Интерфакс» хабар берди.
«Москва АҚШ бошчилигидаги коалицияга ҳеч қачон қўшилмайди. Биз буни ўз ҳамкорларимизга ёпиқ учрашувларда тушунтирдик. Буни уларнинг Суриядаги ҳаракатлари ноқонунийлиги билан изоҳлаймиз. Бизга ҳақиқатдан ҳам коалицияга қўшилишни таклиф қилишди. Бироқ асосий шарт аксилтеррор кураш бўйича Вашингтон раҳбарлиги бўлди. Биз бунга рози бўла олмаймиз», — деб хабар берган дипломатик манба газетага.
Газетанинг таъкидлашича, Халқаро муносабатлар бўйича Федерация кенгашининг қўмита раҳбари Константин Косачев самарали халқаро коалицияни Россияга ҳам, ғарб мамлакатларига ҳам кераклигини, бироқ уни тузиш учун аниқ шартлар бажарилиши кераклигини айтган.
Косачевнинг хабар беришича, Ғарбда ҳам, Россияда ҳам терроризмга қарши кураш бўйича режалар бор. Кучларнинг бирлашиши антитеррористик кучлар масаласини самарали ҳал қилиши керак. Ғарб коалицияси Сурия ҳудудидаги терроризмнинг босимини йўқ қилиш уларнинг мақсадларидан бири эканлигини яширмаяпти, иккинчи мақсад эса Сурия ҳукуматини алмаштириш. Россия бундай коалицияда иштирок эта олмайди ва иштирок этмайди.
«Ҳамкасбларимизнинг хабар беришича, кун тартибидан Суриянинг ички ишларига аралашиш масаласи олиб ташланади ва Сурия ҳукумати билан биргаликда терроризм муаммосини ҳал қилиш бўйича ҳуқуқий доирада шуғулланиш бошланади. Ўзаро ҳаракатни амалга ошириш учун биз томонимиздан ҳеч қандай тўсиқ қўйилмайди», — деди сенатор газетага берган хабарида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)