Андижон давлат тиббиёт институтининг иккинчи курсида ўқийдиган 21 ёшли Жасурбек Қўчқоров раҳбарлигида Андижон шаҳрида Fetus Medicine даволаш ва диагностика маркази иш бошлади, дея хабар бермоқда Андижон вилояти ҳокимлиги ахборот хизмати.
Хабар беришларича, марказда хотин-қизларга гинекология, дерматология, физиотерапия, UZI, ЭКГ, қон ва сийдик таҳлиллари бўйича хизмат турлари таклиф этилади.
«26 нафар малакали шифокор ва ҳамширалар фаолият кўрсатаётган ушбу масканда беморлар стационар ва амбулатор шароитида даволанишлари мумкин», — дейилади вилоят ҳокимлиги ахборотида.
Қайд этишларича, 1,125 миллиард сўм маблағ эвазига бунёд бўлган муассасада «кам таъминланган, ногирон, боқувчисини йўқотган хотин-қизлар ва ногирон фарзандни тарбиялаётган оналарга бепул хизмат кўрсатилади».
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)