Ўзбекистон Президенти Шавкат Мирзиёевнинг қарорига асосан Обид Одилов Ўзбекистон Автомобиль йўллари давлат қўмитаси раиси ўринбосари — бош муҳандис этиб тайинланди. Бу ҳақда UzDaily хабар берди.
Обид Одилов бунгача «Ўзавтойўл» ДАК бошқаруви раиси ўринбосари — бош муҳандис лавозимида ишлаган.
Одилов Обид Чориевичнинг таржимайи ҳоли
1983 йил 7 ноябрда Бухоро вилояти Олот туманида туғилган. Миллати: ўзбек.
Маълумоти олий. 2002—2008 йилларда Тошкент автомобиль ва йўллар институтида бакалавр ва магистратура босқичларида ўқиган.
Мутахассислиги: транспорт воситаларини ишлатиш ва таъмирлаш (автотранспорт бўйича); ҳаракатланиш хавфсизлиги ва уни ташкил этиш.
Меҳнат фаолияти
2008—2010 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси Автомобиль йўлларини қуриш-таъмирлаш ва фойдаланиш давлат корхонаси 403-сонли йўл бўлими катта диспетчери.
2010—2010 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси Халқаро ва давлат аҳамиятидаги автомобиль йўлларидан фойдаланиш филиали ҳаракат хавфсизлигини таъминлаш муҳандиси.
2010—2010 йилларда — «Тошкентавтойўл» ҳудудий йўллардан фойдаланиш ташкилоти Оҳангарон туман йўл хўжалиги пудрат таъмирлаш-фойдаланиш давлат корхонаси бош муҳандиси.
2010—2011 йилларда — «Ўзйўлмашсервис» илмий ишлаб чиқариш тажриба давлат унитар корхонаси Тошкент ҳалқа автомобиль йўлининг 399-400-543-544-сонли йўл таъмирлаш бўлими техника хавфсизлиги ва ёнғиндан сақланиш бўйича муҳандиси.
2011—2013 йилларда — «Ўзйўлмашсервис» илмий ишлаб чиқариш тажриба давлат унитар корхонаси. Тошкент ҳалқа автомобиль йўлининг бошқарув ходимлар бўлими катта муҳандиси.
2013—2013 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси Тошкент ҳалқа автомобиль йўлидан фойдаланиш участкаси Автомобиль йўлларидан фойдаланиш бўлими бошлиғи.
2013—2013 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси. Тошкент ҳалқа автомобиль йўлидан фойдаланиш участкаси бошлиғи вазифасини бажарувчиси.
2013—2014 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси. Тошкент ҳалқа автомобиль йўлидан фойдаланиш участкаси бош муҳандиси вазифасини бажарувчиси.
2014—2016 йилларда — «Автомагистраль» ихтисослашган автомобиль йўлларини қуриш-таъмирлаш бирлашмаси Тошкент ҳалқа автомобиль йўлидан фойдаланиш участкаси бошлиғи.
2016—2017 йилларда — «Ўзавтойўл» акциядорлик компанияси бошқаруви раиси ўринбосари – бош муҳандис.
Эслатиб ўтамиз, Ўзбекистон Республикаси Президентининг 2017 йил 14 февралдаги Фармони билан «Ўзавтойўл» ДАК фаолияти тугатилиб, унинг негизида Автомобиль йўллари давлат қўмитаси ташкил этилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)