Қирғизистоннинг Иссиқкўл вилояти, Балиқчи шаҳридаги 3-мактабда 10 киши номаълум газдан заҳарланди. Бу ҳақда «ТАСС» хабар бермоқда.
«Ҳодиса жойига милиция, шифоркорлар ва қутқарувчилар етиб келди. 5 нафар ўқувчи шаҳар касалхонасининг реанимация бўлими, яна 5 киши травматология бўлимига ётқизилди. Яна бир неча ўқувчи ва ўқитувчига жойида биринчи ёрдам кўрсатилди», — дейилади Қирғизистон ФВВ хабарида.
Дастлабки маълумотларга кўра, заҳарланишга «номаълум газ» сабаб бўлган. Айнан қайси газ ва у ўқув юртида қандай пайдо бўлиб қолганига аниқлик киритилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)