Ўзбекистон гастрономик туризм оммабоплиги бўйича рейтинг бешлигига кирди

ТурСтат таҳлилий агентлиги россиялик сайёҳлар учун МДҲ мамлакатларида оммабоп гастрономик туризм йўналишларини аниқлади, деб ёзади «Anons.uz».

Гастрономик туризм йўналишида россияликлар учун оммабоп МДҲ ва яқин чет эл мамлакатлари бешлигига Грузия, Озарбайжон, Арманистон, Қозоғистон ва Ўзбекистон кирди.

Рейтинг гастрономик турларга бўлган талабни таҳлил қилиш маълумотларига асосланиб тузилди.

ТурСтат маълумотларига кўра, россияликлар учун энг оммабоп гастрономик турлар бу бир ҳафталик саёҳатлардир.

Мисол учун, Россиядан Озарбайжон ёки Грузияга етти кунлик гастрономик тур авиачипталар билан биргаликда ўртача 800 доллар, Қозоғистон ва Арманистонга 900 доллар, Ўзбекистонга 1000 долларга тушади.

Гастрономик туризм бу мамлакат билан унинг гастрономияси, маҳаллий ошхонаси ва пазандалик маҳорат дарслари орқали танишиш учун саёҳат ва гастрономик турлардир.

«Дарё»нинг Telegram’даги расмий канали — @toshqindaryo’га аъзо бўлинг!