Иккинчи жаҳон уруши иштирокчиларини мукофотлаш ҳақида Ўзбекистон Республикаси Президентининг Фармони асосида, Қорақалпоғистон Республикаси Вазирлар Кенгаши Раиси Қаҳраман Сариев Иккинчи жаҳон уруши қатнашчиси, Элликқалъа тумани «Навоий» ОФЙда истиқомат қилувчи 1922 йилда таваллуд топган Николай Рахметов ҳолидан хабар олиб, унга Ўзбекистон Республикасида ишлаб чиқариладиган автомобилларни навбатсиз сотиб олиш учун бериладиган сертификат ва қимматбаҳо совғаларни топширди. Бу ҳақда «Қорақалпоғистон янгиликлари» нашри хабар бермоқда.
Шундан сўнг раис ва туман ҳокими «Гулдурсин» ОФЙда яшовчи 95 ёшли Қурбонбой Отажановнинг уйига ташриф буюриб, махсус сертификат ва қимматбаҳо совғаларни берди.
Элликқалъа туманидан кейин Беруний туманида ҳам уруш фахрийлари Қурбанбай Қурбаниязов, Рўзмат Рейимбаев ва Юсуп Сатимовлар ҳолидан хабар олиб, уларга ҳам сертификат билан совғаларни топширишди.
Тегишли раҳбарлар Тўрткўл тумани Ғалаба кўчасида истиқомат қилувчи 93 ёшли Иван Галенко, «Уллибағ» ОФЙда яшовчи 94 ёшли Болтабой Ибайдуллаев хонадонига ҳам боришди. Болтабой ота урушдан сўнг 50 йил ўқитувчилик қилган. Бу нуроний отахонларга ҳам сертификат ва совғалар улашилди.
Изоҳ (0)