Миср Яманга Саудия Арабистони раҳбарлигидаги коалициянинг жанговар ҳаракатларда иштирок этиш учун 40 минг кишилик қўшин юбориш ниятида эканлиги ҳақидаги хабарларни рад этди. Бу ҳақда Al Watan газетаси Мисрнинг расмий дипломатларига таяниб хабар берди, деб ёзади «ТАСС».
«Эълон қилинган маълумот Мисрнинг бирлашган араб кучларини яратиш ҳақидаги ғояни ривожлантириш таклифига алоқадор эди, у муҳокама этилиб, Араб давлатлари лигаси ҳужжатларида қайд қилинди», — деди манбалар.
Нашр эслатишича, бир кун аввал араб коалицияси вакили Al Arabia телеканалига берган интервьюсида Миср президенти Абдул Фаттоҳ ас-Сисий олдинроқ Саудия Арабистони ҳукуматига 30 мингдан 40 минг нафаргача мисрлик аскарларни Ямандаги жанговар ҳаракатларга жалб қилишни таклиф этганини маълум қилганди.
Изоҳ (0)