Бизнесмен Алишер Усмоновнинг матбуот хизмати Алексей Навальнийнинг Коррупцияга қарши кураш фонди тарқатган, Знаменское қишлоғидаги ҳовли-жойнинг «Соцгоспроект» фондига берилиши ҳолатлари ҳақидаги материалларни изоҳлади. Бу ҳақда Rambler News Service хабар берди.
«Навальний, доимгидек, ёлғонларни тўқиб ташлади. Контекстдан иқтибос ва тарқоқ фактларни ажратиб олиб, у ўзига қулай бўлган манзарани яратмоқда. Шу билан бирга, Навальний ўзини тийиб туролмади ва Алишер Усмонов Швейцария резиденти эканлиги, Россияда солиқлар тўламаслиги ҳақида ёлғон гапирди», — дейилади матбуот хизмати хабарида.
«Навальнийнинг бутун нутқи манипуляция ва ёлғонга асосланган, у билан фақат суд иши доирасида муҳокамалар олиб бориш мумкин, деб ҳисоблаймиз», — дейишди бизнесменнинг вакиллари.
Аввалроқ Москванинг Люблинский суди Усмоновнинг Навальнийга қарши даъвосини қабул қилган эди.
Алишер Усмонов мухолифатчи Алексей Навальнийни судга бериши ва ҳуқуқ-тартибот органларига ариза ёзиб, унинг гапларини туҳмат деб аташини айтган эди.
Навальний YouTube’га гўёки Дмитрий Медведевнинг мол-мулки ҳақида ҳикоя қилувчи фильмни жойлаган, унда Усмонов ҳам тилга олинган эди.
Изоҳ (0)